مقامی ہوٹل میں بیٹھ کر سرجن نے ڈاکٹر اسپتال کے آپریشن تھیٹر میں مریضہ کے گردے کا کامیاب آپریشن کیا.پاکستان میں پہلی بار ٹو مائی روبوٹک سسٹم کے ذریعے ٹیلی سرجری کامیابی سے انجام دی گئی .پاکستان کی طبی تاریخ میں ایک سنگ میل قائم کرتے ہوئے، برطانیہ کے معروف یورولوجسٹ پروفیسر متین شریف نے آج پاکستان کی پہلی ٹیلی سرجری (دور دراز سے کی جانے والی جراحی) کامیابی سے انجام دی۔ یہ تاریخی آپریشن مائیکروپورٹ میڈبوٹ (MicroPort MedBot) کے جدید ٹو مائی روبوٹک سرجیکل سسٹم (Toumai Robotic Surgical System) کے ذریعے کیا گیا۔یہ کامیابی پاکستان کے طبّی اور تکنیکی شعبے میں ایک نئے دور کا آغاز ہے، جو ظاہر کرتی ہے کہ اعلیٰ معیار کی جراحی اب انٹرنیٹ کنیکٹیویٹی کے ذریعے دنیا کے کسی بھی حصے سے دور دراز علاقوں میں بھی ممکن ہے۔یہ تاریخی کامیابی ڈاکٹرز اسپتال اینڈ میڈیکل سینٹر، پاپولر انٹرنیشنل (پرائیویٹ) لمیٹڈ، اور مائیکروپورٹ میڈبوٹ (چین) کے اشتراک سے ممکن ہوئی۔ اس اقدام کو پروفیسر خضر حیات گوندل، صدر سوسائٹی آف یورولوجی کی مکمل حمایت حاصل تھی جن کی قیادت نے اس اہم موقع کو حقیقت بنایا۔سی ای او پاپولر انٹرنیشنل عبد الرحمن نے کہا:
“یہ لمحہ اس بات کا ثبوت ہے کہ اب فاصلے علاج میں رکاوٹ نہیں رہے۔ پاکستان کے دور دراز علاقوں تک عالمی ماہرین کی سرجری تک رسائی ممکن ہو چکی ہے۔”
مائیکروپورٹ کے کنٹری منیجر عدنان علیم نے کہا کہ ٹو مائی سسٹم کے ذریعے پاکستان میں پہلی ٹیلی سرجری کی کامیابی “ملک کی طبی جدت اور عالمی تعاون کے لیے تیاری کا ثبوت ہے۔”اس کامیابی میں ادارہ جاتی قیادت نے کلیدی کردار ادا کیا۔ مسٹر فاروق سعید خان، سی ای او ڈاکٹرز اسپتال اینڈ میڈیکل سینٹر نے مکمل آپریشنل تعاون فراہم کیا، جب کہ ڈاکٹر عمر (نیشنل اسپتال کے ڈائریکٹر) اور ڈاکٹر جمشید (سینئر یورولوجسٹ) نے تکنیکی اور طبی نگرانی میں اہم کردار ادا کیا۔ اس اقدام کو ڈاکٹر منصب، چیئرمین ڈاکٹرز اسپتال کی منظوری اور رہنمائی بھی حاصل رہی۔پاکستان میں جراحی تک رسائی کا نیا دور .ٹیلی سرجری پاکستان کے صحت کے نظام میں انقلابی تبدیلی کی بنیاد رکھتی ہے۔ ٹو مائی سسٹم جیسے جدید پلیٹ فارمز کے ذریعے ماہر سرجن اب دور دراز یا کم سہولت والے علاقوں میں پیچیدہ آپریشن کر سکتے ہیں یا رہنمائی فراہم کر سکتے ہیں۔ اس سے نہ صرف مریضوں کو بہتر علاج میسر آئے گا بلکہ مقامی ڈاکٹروں کی تربیت اور مساوی صحت کی سہولتوں کی فراہمی میں بھی نمایاں بہتری آئے گی۔اس کامیاب عمل کے ساتھ، پاکستان اُن ممالک کی صف میں شامل ہو گیا ہے جو ٹیلی سرجری کے میدان میں رہنمائی کر رہے ہیں — یہ ثابت کرتے ہوئے کہ جدید ٹیکنالوجی کے ذریعے دنیا کے ہر کونے تک معیاری صحت کی سہولت پہنچائی جا سکتی ہے۔