پاکستان (اسپورٹس ڈیسک) نے شاندار کارکردگی کا مظاہرہ کرتے ہوئے کویت کو فائنل میں شکست دے کر ہانگ کانگ سکسز کپ کا ٹائٹل اپنے نام کر لیا فائنل مقابلے میں پاکستان نے پہلے بیٹنگ کرتے ہوئے مقررہ چھ اوورز میں تین وکٹوں کے نقصان پر 135 رنز بنائے۔ کپتان عباس آفریدی نے جارحانہ انداز میں 52 رنز کی اننگز کھیلی، جب کہ عبدالصمد نے 42 اور خواجہ نافع نے 22 رنز کا اضافہ کیا۔ ہدف کے تعاقب میں کویت کی ٹیم نے بھرپور کوشش کی، تاہم وہ آخری اوور کی پہلی گیند پر 92 رنز بنا کر آؤٹ ہوگئی۔ اس طرح پاکستان نے 43 رنز سے کامیابی حاصل کرتے ہوئے ایونٹ کی چیمپئن شپ اپنے نام کی۔
