پاکستان (اسپورٹس ڈیسک) نے فیصل آباد میں کھیلے گئے تیسرے اور فیصلہ کن ون ڈے میچ میں جنوبی افریقا کو سات وکٹوں سے شکست دے کر تین میچوں کی سیریز 1-2 سے اپنے نام کر لی۔ اقبال اسٹیڈیم فیصل آباد میں کھیلے گئے میچ میں جنوبی افریقا نے ٹاس جیت کر پہلے بیٹنگ کا فیصلہ کیا، جو زیادہ کامیاب ثابت نہ ہوا۔ مہمان ٹیم 37ویں اوور میں 143 رنز بنا کر آؤٹ ہوگئی۔ جنوبی افریقا کی جانب سے کوئنٹن ڈی کوک نے 53 رنز کی اننگز کھیلی، جبکہ یوہان ڈی پریٹوریس نے 39 رنز بنائے۔ پیٹر اور میتھیو برٹزکی نے 16، 16 رنز کا اضافہ کیا۔پاکستان کے بولرز نے شاندار کارکردگی دکھائی۔ ابرار احمد نے 4 کھلاڑیوں کو آؤٹ کیا، جبکہ شاہین شاہ آفریدی، محمد نواز اور سلمان آغا نے 2، 2 وکٹیں حاصل کیں۔ہدف کے تعاقب میں گرین شرٹس نے 144 رنز کا آسان ہدف 26ویں اوور میں تین وکٹوں کے نقصان پر حاصل کر لیا۔ صائم ایوب نے شاندار 77 رنز کی اننگز کھیلی، کپتان بابر اعظم نے 27 اور محمد رضوان نے 32 رنز بنائے۔ سلمان آغا 5 رنز کے ساتھ ناٹ آؤٹ رہے۔سیریز کے ابتدائی میچ میں پاکستان نے جنوبی افریقا کو دو وکٹوں سے شکست دی تھی، جبکہ دوسرے میچ میں مہمان ٹیم نے آٹھ وکٹوں سے کامیابی حاصل کی تھی۔ تیسرے میچ میں فتح کے ساتھ پاکستان نے سیریز 1-2 سے اپنے نام کر لی۔
