کرکٹ آسٹریلیا نے شائقین کے لیے ایک دلچسپ اور منفرد فیصلہ کیا ہے، جس کے تحت اب بگ بیش لیگ میں کراؤڈ میں جانے والی گیند شائقین اپنے پاس رکھ سکیں گے۔کرکٹ آسٹریلیا کے اعلان کے مطابق، رواں سیزن میں بگ بیش لیگ (BBL) کے دوران *ہر اننگز کے پہلے اوور* میں اگر کوئی گیند چھکے یا چوکے کی صورت میں تماشائیوں میں چلی جائے تو وہ گیند واپس نہیں لی جائے گی بلکہ شائقین کو یادگار کے طور پر رکھنے کی اجازت ہوگی۔یہ نیا اصول *صرف اننگز کے ابتدائی اوور* تک محدود ہوگا۔ اگر گیند براہِ راست یا اچھل کر باؤنڈری پار کر کے ناظرین تک پہنچتی ہے تو وہ گیند اب ان ہی کی ہوگی۔یہ اقدام کرکٹ آسٹریلیا کے نئے اسپانسر *ایک مقامی بینک* کے تعاون سے کیا گیا ہے، جو جولائی میں بورڈ کا پارٹنر بنا تھا۔یہ اصول *ویمنز بگ بیش لیگ* اور *مینز بگ بیش لیگ* دونوں پر لاگو ہوگا۔ گزشتہ سیزن کے اعداد و شمار کے مطابق، مینز لیگ میں اوسطاً ہر دو میچز میں پہلی اوور کی گیند کراؤڈ میں جاتی ہے، جبکہ ویمنز لیگ میں یہ شرح ہر دس میچز میں ایک بار ریکارڈ کی گئی۔حکام کے مطابق، یہ فیصلہ شائقین کے لیے کھیل کو مزید دلچسپ اور انٹرایکٹو بنانے کے لیے کیا گیا ہے۔ واضح رہے کہ ویمنز بگ بیش لیگ 9 نومبر سے جبکہ *مینز بگ بیش لیگ* 14 دسمبر سے شروع ہوگی۔
