عالمی اور مقامی مارکیٹ میں سونے کی قیمتوں میں بڑا اضافہ ریکارڈ کیا گیا ہے، جس کے بعد سونا تاریخ کی بلند ترین سطح پر پہنچ گیا۔
عالمی مارکیٹ میں فی اونس سونا 141 ڈالر کے اضافے سے 4358 ڈالر فی اونس پر پہنچ گیا، جو اب تک کی بلند ترین قیمت ہے۔
مقامی صرافہ مارکیٹ میں بھی سونا نئی بلند سطح پر جا پہنچا۔ ایک تولہ سونا ایک ہی دن میں 14 ہزار 100 روپے مہنگا ہو کر 4 لاکھ 59 ہزار 900 روپے کا ہوگیا — جو ملکی تاریخ کی نئی بلند ترین سطح ہے۔
اسی طرح 10 گرام سونا 12 ہزار 89 روپے کے اضافے سے 3 لاکھ 91 ہزار 718 روپے کی ریکارڈ سطح پر پہنچ گیا۔
چاندی کی قیمت میں بھی نمایاں اضافہ ہوا ہے۔ ایک تولہ چاندی 167 روپے اضافے کے بعد 5504 روپے کی بلند ترین سطح پر پہنچ گئی۔
ماہرین کے مطابق عالمی سطح پر معاشی غیر یقینی، سرمایہ کاروں کا رجحان قیمتی دھاتوں کی جانب بڑھنے اور ڈالر کی قدر میں اتار چڑھاؤ سونے کی قیمتوں میں اضافے کی بڑی وجوہات ہیں۔
