جاتی عمرہ میں منعقدہ جنید صفدر کی دعوتِ ولیمہ میں چیف آف ڈیفنس فورس فیلڈ مارشل جنرل حافظ عاصم منیر بھی شرکت کے لیے پہنچےتو سرببراہ مسلم لیگ ن نواز شریف نے فیلڈ مارشل کا استقبال کیا۔اس موق پر وزیراعظم شہباز شریف، ڈپٹی وزیراعظم و وزیر خارجہ محمد اسحاق ڈار، سابق وزیراعلیٰ پنجاب حمزہ شہباز شریف، سینئر سیاستدان شیخ روحیل اصغر، اسپیکر قومی اسمبلی سردار ایاز صادق، اسپیکر پنجاب اسمبلی ملک محمد احمد خان، وفاقی وزیر خواجہ محمد آصف، صدر مسلم لیگ (ن) لاہور ملک سیف الملوک کھوکھر مو د تھے
ولیمہ کی تقریب میں صوبائی وزراء بلال یاسین، منشاء اللہ بٹ، ملک فیصل ایوب کھوکھر، خواجہ سلمان رفیق، مشیر وزیراعظم رانا ثناء اللہ خان، مشیر وزیراعلیٰ زیشان ملک، معاون خصوصی راشد نصراللہ، سمیع اللہ خان،زبیر گل،میاں محمد حنیف سمیت وفاقی و صوبائی وزراء، ارکان قومی و صوبائی اسمبلی اور معززین نے شرکت کی۔ تقریب میں سینئر صوبائی وزیر مریم اورنگزیب، صوبائی وزیر اطلاعات و ثقافت عظمیٰ بخاری، معاون خصوصی سلمیٰ بٹ اور ثانیہ عاشق بھی تقریب میں موجود تھیں۔
تقریب میں دلہا جنید صفدر گرے شیروانی جبکہ دلہن شانزے سفید عروسی جوڑے میں ملبوس نظر آئیں۔ جنید صفدر نے دلہن کا ہاتھ تھام کر پنڈال میں انٹری دی تو حاضرین نے پرتپاک استقبال کیا۔
جاتی عمرہ کے پنڈال کو دیدہ زیب پھولوں اور مغلیہ طرز کی شاندار ڈیکوریشن سے سجایا گیا تھا۔
تقریب میں میاں محمد نواز شریف اور وزیراعظم شہباز شریف خود مہمانوں کا استقبال کرتے رہے۔ جنید صفدر کے سسرالی بھی دوپہر دو بجے ولیمہ میں پہنچ گئے تھے۔ولیمہ کی تقریب میں ملکی و غیر ملکی مہمانوں، وفاقی و صوبائی وزراء اور سینئر سیاسی قیادت کی شرکت کے پیش نظر سیکیورٹی کے سخت انتظامات کیے گئے تھے، جبکہ مجموعی طور پر تقریب خوشگوار اور پروقار ماحول میں اختتام پذیر ہوئی۔
تقریب میں مجموعی طور پر 800 مہمانوں کو مدعو کیا گیا تھا۔ مہمانوں کی تواضع کے لیے خصوصی اور روایتی پکوانوں کا اہتمام کیا گیا، جن میں سوپ، چکن ڈمپورہ، دیسی مرغ، امرتسری مٹن پلاؤ، بشیر دارلماہی کی فش اور دیسی گھی سے تیار کردہ گاجر کا حلوہ شامل تھا