اجلاس میں بتایا گیا کہ فیز ٹو کے تحت صوبہ بھر میں 515 بنیادی مراکز صحت کی ری ویمپنگ کی جا رہی ہے، جن میں سے 300 سے زائد بی ایچ یوز کی ری ویمپنگ مکمل کی جا چکی ہے، جبکہ باقی مراکز صحت کے کام آخری مراحل میں ہیں۔ مکمل ہونے والے بی ایچ یوز کو محکمہ صحت کے حوالے کر دیا گیا ہے۔صوبائی وزیر ملک صہیب احمد بھرتھ نے ہدایت کی کہ فیز ٹو کے تحت تمام بی ایچ یوز کی ری ویمپنگ مقررہ مدت میں مکمل کی جائے اور کام کے معیار پر کسی قسم کا سمجھوتہ نہ کیا جائے۔
اس موقع پر صوبائی وزیر نے کہا کہ موجودہ حکومت نے صحت کے شعبے میں نمایاں کام کیا ہے، ہسپتالوں کے انفراسٹرکچر کو بہتر بنایا گیا ہے اور نئے ہسپتالوں کے قیام کے ساتھ ساتھ پرانے ہسپتالوں کی بھی ری ویمپنگ کی گئی ہے۔
انہوں نے مزید کہا کہ وزیر اعلیٰ پنجاب ہسپتالوں کے قیام اور ری ویمپنگ کے عمل کی خود نگرانی کر رہی ہیں، جبکہ پنجاب کے عوام کو بہترین طبی سہولیات کی فراہمی کا سلسلہ مسلسل جاری ہے۔