لاہور (سٹی رپورٹر )صوبائی حکومت پی ایچ اے کو 40 کروڑ روپے بطور ابتدائی سرمایہ فراہم کرے گی۔ یہ فنڈز مالی سال 2025-26 میں ضمنی گرانٹ کے ذریعے دیے جائیں گے۔ابتدائی طور پر جاری کیے گئے فنڈز باغبانی، شجرکاری اور شہری تزئین و آرائش کے منصوبوں پر خرچ کیے جائیں گے۔ اس اقدام کو پی ایچ اے کو مالی طور پر مستحکم بنانے کی سمت ایک اہم پیش رفت قرار دیا گیا ہے۔ذرائع کا کہنا ہے کہ لاہور سمیت دیگر شہروں میں شجرکاری اور خوبصورتی کے منصوبوں کو مزید تیز کیا جائے گا، تاکہ شہری ماحول کو جدید خطوط پر خوشنما اور سرسبز بنایا جا سکے۔حکومتی ترجمان کے مطابق فنڈز کی فراہمی سے شہری تزئین و آرائش کے منصوبے تیزی سے مکمل ہوں گے، جبکہ جدید مشینری سے کام کی رفتار اور معیار میں نمایاں بہتری آئے گی